Улс төрийн учир шалтгаанаар ийнхүү шувтарсан нь мэдээжийн хэрэг.
Улс орны нөхцөл байдал багтарч үхмээр байна гэж хилийн чанадад сэтгүүлчид бичих болов. Үнэхээр ч амьсгаа авахад бэрх байлаа. Улс оронд аймшигт мөрдлөг хавчлага болж байна гэж гадаадын сэтгүүлчид мэдээлнэ. Үнэхээр ч аймаар байлаа. Харин энэ үнэнийг харь газрын сараачигчид уудлан гаргаж, тив дэлхийгээр тараасан нь засгийн эрх баригчид, улс үндсээрээ бахархах цогтой уриалга гаргах үндэс болжээ. Ийм уриалга гаргахыг ерөнхийлөгчид даалгасан нь л засгийн газрын алдаа бололтой, сүүлийн үед радио хүлээн авагчаар түүний дуу сонстож, телевизийн дэлгэцнээ дүр нь үзэгдэнгүүт бүгд ухасхийн радио, телевизээ хааж унтраана. Иймээс улс үндсээрээ бахархах эрхэм уриалгыг хүн ард огт мэдэлгүй өнгөрчээ. Тэгээд ч хүн ард цөөрсөөр байлаа...
