Зохиолч: Габриель Гарсиа Маркес
Орчуулагч: Н. Энхбаяр
Ангилал: Гадаадын уран зохиол
Хэвлэлийн газар: Тодорхойгүй
Эрчүүд хүний үнэргүй ийм хүйтэн сэтгэл гаргасанд гомдсон нэгэн эмэгтэй талийгаачийн нүүрийг хучсан алчуурыг хуу татахад, эрчүүд талийгаачийн нүүр царайг хараад эгээтэй л дуу алдсангүй.
Тийм ээ, энэ бол үнэхээр Эстебан байлаа. Үүнийг дахин дахин давтан хэлэх ямар ч хэрэггүй болов. Хэрэв тэд нарт, энэ бол Уастер Рели юм гэж хэлсэн бол тэд өөрсдөө түүний гринго аялгууг сонсон мөрөн дээр нь суусан тоть Каннибалуудыг алан хядах гэж авч явдаг аркебузыг нь хараад гайхах байсан биз ээ.
Гэвч Эстебантай адилхан хүн энэ хорвоо дээр байхгүй, байх ч ёсгүй бөгөөд тэр өөрөө аварга том загас лугаа адил тэд нарын өмнө хөл нүцгэн, долоон сартай нялх хүүхдийнх мэт багадсан өмдтэй, зөвхөн хутганд л даагддаг байж таарах хумстай хэвтэж байлаа.
