Зохиолч: Гүи Де Мопассан
Орчуулагч: Т. Төмөрхүлэг
Ангилал: Францын уран зохиол
Хэвлэлийн газар: Улсын хэвлэлийн газар
Ядуу зүдүү болсон тэр айл доохнуур алба хаадаг гэрийн эзний цалинг дөнгөн данган хүргэж амь зуудаг байлаа. Гэрийн эзэн, эзэгтэй, хоёр нийлснээс хойш хоёр ч хүүхэд төрж, мөнгө цаасаар гачигдаж эхэлсэн нь хүний нүдэнд өрөвдөлтэй агаад ичгүүртэй ядуурлын нэгэн шалтгаан болов. Урьдын баян цатгалан явснаа үгүйлдэг энэ айл гаднын хүмүүст бол болоод л яваа мэт дүр үзүүлэн нэрэлхдэг байжээ.
... Урьдын сурсан зуршлаасаа салж чадахгүй, хэргэм зэргээ тордон буурь сууриа алдахгүй юм сан гэсэн омой зан, хэдий цагтаа цалгиж явсан ч зугаа цэнгэл ихдэж, залхуу хойрго нь дэндсэнээс болж хоосорсон энэ өрх гэрүүдийг зовоохын ихээр зовоож байлаа. Хектор де Грибелин энэ зиндааны, бас л ядуу боловч сурвалжит нэгэн бүсгүйтэй танилцаж эр эм болсон бүлгээ. Дөрвөн жилийн дотор хоёр хүүхэд гарсан нь тэр билээ...
