Зохиолч: Н. В. Гоголь
Орчуулагч: Д. Гомбожав
Ангилал: Шүлэг, найраглал Оросын уран зохиол
Хэвлэлийн газар: ГЭГЭЭРЛИЙН ЯАМНЫ ХЭВЛЭЛ
— Үзэж дуулаагүй зовлон шүү.
Үнэндээ та л тусална.
Гаанц нэг л биш
Хачин өөр болжээ.
Баярлаж хөгжихөө болиод
Баргар тэнгис рүү л очих юм
Өөр хэнтэй ч дуугарахгүй
Өөрөө өөртэйгөө л ярих юм.
Учир явдлыг асуухад
Утгагүй зүйл хэлэх юм.
Өдөр шөнөгүй шаналж
Өөрийгөө тэр үрэх юм.
Нэг юмнаас айхад
Намайг тоохоо больж
Намайг хайрлахаа байвал
Насны зовлон тэр дээ.
Танаас л асуухаар ирлээ гээд
Танхил Луиза охин
Хүзүүгээр нь тэвэрч
Хүүхэд шиг наалдаж
Гоо бүсгүйн нүдэнд
Гунигийн нулимс үзэгдэв.
— Уйлаад яах вэ, тайвшир!
Ухилж унжих муухай.
Тэвчих хүчийг бидэнд
Тэнгэр бурхан хайрладаг
Залбирал мөргөлтэй нийлээд
Заяа чинь чамайг хаяхгүй.
Гаанц урваж буцахгүй
Ганц чамайг хайрлана
Саар юм бодож
Санаагаа зовоогоод яах вэ?
Энхрий Луизаг тайтгаруулж
Эцэнхий цээжиндээ тэврэв...
