Зохиолч: Т. ДРАЙЗЕР
Орчуулагч: Б. Дэмчигдорж
Ангилал: Америк уран зохиол
Хэвлэлийн газар: Улсын хэвлэлийн газар
Ганцхан жилийн өмнө тэр хоёрын завь хөндлөн гулд хөвөн хальж байсан тэр байранд Ида нам гүм үдшийн сүүдрийн дунд хүрч очжээ.
Ида алгуухнаар ус руу, эхлээд өвдгөө хүртэл... дараа нь бүслэхээ хүртэл... дараа нь цээжээ хүртэл... дараа нь зөөлхөн энхрийлсэн чийглэг нь уруулыг нь хүртэл туллаа, бүр дээшлээд л... тэгснээ, эцэст нь зориг шийд төгөлдөр, зориуд бодож боловсруулснаараа, ганц ч дуугаралгүй ганц ч хахаж цацалгүй усан доогуур далд орчихлоо.
Орчлонт ертөнц үүнийг ойлгож болшгүй билээ. Амьдралын урсгал үлэмжхэн чармайлттайяа даа. Өчнөөн төчнөөн сайхан ч зүйл, саар муу саад тотгорын ч зүйлс хажуугаар нь... дэргэдүүр нь... үл ойлгогдож, үл ажиглагдам бялхам дүүрэн үерийн усаар урсан алга болно...
