Зохиолч: Шахед Али
Орчуулагч: Н. Намхай
Ангилал: Гадаадын уран зохиол
Хэвлэлийн газар: Улсын хэвлэлийн газар
— Ээж ээ та яагаад өглөө ч, орой ч мөргөл үйлдэхгүй байна вэ? гэж асуув.
— Мөргөл үйлдээд ямар ч нэмэргүй юм даа гэж Халима зэвүүцэн хариулав.
— Юуны чинь нэмэргүй гэж! Мөргөл хийдэг тийм хүмүүс дээр бурхны элч ирж, тэр хүмүүсийн тухай аллах тэнгэр элчээсээ сонсдог юм гэж Ноби хашхирав.
— Тийм ч биш дээ! Аллах зузаан хөнжилдөө дугжирч, алт мөнгө бэлэглэвэл л нүдээ нээхээс биш, ядуу хүмүүсийн мөргөхийг юман чинээнд ч боддоггүй юм гэж Халима чанга чанга үглэнэ.
Хүү нь мэл гайхан харж, аллах гэдэг маань ийм байдаг байх нь ээ! Ядуучуудад найдах юм байхгүй болж таарч байна уу? Бидэнд алт мөнгө хаанаас ч олддоггүй болохоор тэдний өргөл мөргөл дээд тэнгэрийн сонорт хүрдэггүй байх нь ээ? Ээжийн зөв байна. Ядуучууд мөргөл хийтээд л муу амьдарч байхад баячууд улам баяжаад л байдаг. Аллах үнэтэй өргөл барьсны нь төлөө тэдэнд өгөөмөр шан хүртээж байна.
Гэтэл бүх хүнийг аллах бүтээсэн шүү дээ. Тэгвэл яагаад ганцхан баячуудыг ивээн тэтгэж байна вэ? Ядуу зүдүү зарц нарынхаа уйлан гиншихийг зүүдэндээ ч болов сонсохгүй байна гэж үү?..
