Зохиолч: П. П. Бажов
Орчуулагч: У. Дамдинсүрэн
Ангилал: Үлгэр, домог Оросын уран зохиол
Хэвлэлийн газар: Улсын хэвлэлийн газар
Тэр цагт Прокопьич гэдэг нас сүүдэр дээр гарсан нэгэн уран хүн байжээ. Түүнийг давж унах өөр дархан байсангүй.
Прокопьичд хүүхэд дагалдан сурга гэж эзэн захирагчид тушаажээ.
— Юу чаддагийг нь сурч аваг гэж тэр хэлсэн юм байжээ.
Урыг минь хүн сураад авчихна гэж бодсон уу, яагаад ч юм Прокопьич хүүхдэд бараг юм зааж өгдөггүй хүн байлаа. Юухнаас л бол ширүүн зандчиж, зодно. Хүүхдийн толгойг товруу болтол хавтгаж, чихийг нь тастах шахан мушгиж:
— Энэ тэнцэхгүй... Нүд гярхай биш, гар хуруу болхи, юм сурахгүй хүүхэд гэж захирагчид хэлнэ...
