Зохиолч: Надим Касми
Орчуулагч: Д. Бадамням
Ангилал: Гадаадын уран зохиол
Хэвлэлийн газар: Улсын хэвлэлийн газар
— Би учрыг мэдэж байна. Ганц арга бол чиний хүүг миний охинтой гэрлүүлэх явдал юм. Үүний тулд чи манайд иржээ. Гэхдээ нөхөр минь, миний байдлыг бодоод үз. Би бас энэ ертөнцөд яаж ийгээд аж төрөх хэрэгтэй шүү дээ. Охиноо танайд өгөөд би ганцаар хоцрох хэрэг үү? Тэгэхлээр ингэе. Чи надад ямар нэгэн бэлэвсэн эхнэр олж өг, би чамд охиноо өгье. Миний үг чамд хачин санагдаж болох юм. Гэхдээ би шулуун шударга хүн шүү. Бэлэвсэн эхнэрийн талаар хэрэг явдлыг бүтээгээд өгвөл би охиноо тэр даруйд нь танайд хүргээд өгнө. Чиний хүү нэрээ гутаасан хүн шүү. Гэвч гайгүй хэрэг дээ, навчин дээр тогтсон тоос л гэсэн үг. Салхи гарвал тоос хийсээд арилчихна. Аллах бурхнаар тангараглая, алив гараа өг.
Надир гараа сунгахад Хади бушуухан атгаж авлаа...
