Зохиолч: П. П. Бажов
Орчуулагч: У. Дамдинсүрэн
Ангилал: Оросын уран зохиол
Хэвлэлийн газар: Улсын хэвлэлийн газар
Харь орны дархан ярианы далимаар Евлахын дархны газрыг үзье гэж битүүгээр дохио өгөөд байлаа. Евлахад энэ сэжигтэй санагдсан боловч ажиг авхуулсангүй.
— Би ямар хуурамч мөнгө хийдэг хүн биш дээ. Миний дархны газрыг үзэж бололгүй яах вэ гэж Евлаха хэлэв.
Ингээд Евлаха харь орны дархныг ногооныхоо газар луу дагуулж явлаа. Дарх хийдэг жижигхэн модон байшин нь тэнд байжээ. Үүд хаалга нь өргөн ч тонгойлгүй ороход хэцүү, гэсэн ч энэ нь франц дарханд саад болсонгүй. Цагаан бүрх малгайгаа хир болгохыг юман чинээнд бодолгүй гэрийн эзнээс өрсөн зүтгэж байх нь Евлахад таалагдсангүй.
«Хараач, үүний давшилж байхыг! Намайг байдгаа тоочно гэж бодож байгаа юм байх даа!» гэж Евлаха бодож байв...
