Зохиолч: Х. Сампилдэндэв
Орчуулагч:
Ангилал: Монголын уран зохиол Аман зохиол Сурах бичиг, гарын авлага
Хэвлэлийн газар: Ардын Боловсролын Яамны Сурах бичиг, сэтгүүлийн нэгдсэн редакцын газар
ерөөл нь ард түмний аж байдал, ажил хөдөлмөрийн янз бүрийн үзэгдлийг тусган магтаж ирээдүйнх нь сайн сайхныг зөгнөсөн утгаар зохиогдож иргэний ба олон нийтийн баяр ёслолын үед хэлэгддэг зан үйлийн холбогдолт тусгай хэлбэрийн уран шүлэг юм. Эсгий хийх, ноос савах, ан гөрөө авлах, аян жин тээх зэрэг ажил хөдөлмөртэй холбогдсон зан үйл тус бүрд ерөөл бэлгийн үг байдгийн зэрэгцээ зарим томоохон ёслолд хэдэн арван ерөөл хэлдэг. Тухайлбал, хуучны уламжлалт гэр бүл болох ёслол нь бэр гуйн хадаг тавих, сүй бэлэг хүргэх, бэр буулгах их хурим, хуримын дараах эргэлт зэрэг цуврал олон хэсэгт хуваагдан олон сар өдрөөр үргэлжилдэг бөгөөд тэр бүрийд тусгай найр хийн ерөөл хэлдэг байжээ. Түүгээр ч үл барам найр хуримын эхлэл өрнөл, төгсгөл зэрэгт тохирсон найр эхлэх, хундага өргөх, сөн ерөөх, найр тараах зэрэг олон ерөөлийг хэлдэг байна.
Ерөөлийг хэлбэр хэмжээгээр нь бэлгэ дэмбэрлийн үгс, ерөөл гэж хоёр ангилж болно.
