... Орос улсаас тусламжийг эрэх бичгийн эхийг нөхөр Жамъянгаар2 зохиолгон одоо умар дахь улаан орост одож улсын хэргийг бүтээх цаг болжээ хэмээн (Богдоос) зарлиг буулгаж уул бичигт мутрын тамгыг дарж өгөх дашрамд мөнөө нөхөр Жамъянд цагийн хэмнүүр нэгийг шагнахдаа энэхүү цаг нэгэнт таарсан учир мэдэгдсүгэй хэмээн айлдсаныг хүлээн аваад тус намын нөхдөд эл учрыг бүрнээ хэлж уг бичгийг өгсөнд нөхөр Сүхбаатар, Лосол, Догсом нарын бие мөнхүү арван оны зуны сүүл сарын шинийн долооны3 өдөр мордохыг шийдвэрлэн тогтож тэрхүү богдын тамгатай бичгийг морины модон ташуурын дотор нүх гаргаж4 агуулан, бас тус тусын уналга ба зардал мөнгөний зэргийг цөм хувиасаа хуваарилан гүйцэтгэж бэлтгэн ахуйд...
