Зохиолч: П. П. Бажов
Орчуулагч: У. Дамдинсүрэн
Ангилал: Үлгэр, домог Оросын уран зохиол
Хэвлэлийн газар: Улсын хэвлэлийн газар
Хүдрийн уурхайд бас ийм нэгэн явдал болсон юм.
Уурхайн нэг мөргөцгөөс гөлгөр талтай хүдэр гарах болжээ. Хэсэгхэнийг хуга цохиод харахад аль нэг өнцөг нь гөлгөр, толь мэт гялалзаж байх бөгөөд нүүрээ харахад бахтай билээ. Энэ муу юмны совин гэж өвгөчүүлийн ярихыг хүн мэдэх тул хүдэр малтагчид түүгээр зугаа хийх юун сөгөө байх вэ.
— Ийм хүдэр гарвал мэдээтэй л байгаарай. Уулын эзэгтэй уурлаж толио хага цохих нь тэр. Заавал ч үгүй уурхай нурж муу юм болно доо гэж ярьдаг сан.
Хүмүүс чадлынхаа хэрээр л сэрэмжлэх болжээ. Дарга нар хамгийн түрүүнд болгоомжилно. Уурхайн даамал үүнийг дуулаад тэр лүү зүглэхээ ч больжээ...
