Зохиолч: А. Рыбаков
Орчуулагч: Хатагин Г. Аким
Ангилал: Хүүхдийн уран зохиол Оросын уран зохиол
Хэвлэлийн газар:
Манай байшинд болсон явдлыг бичье. Өөр газар болсон явдлыг ч гэсэн бичнэ л дээ.
Гэхдээ өөрөө хүүрнэх маягаар бичнэ. «Тэр» гэж хэлэхийн оронд «би» гэх, «түүний» шилэн хүзүү дундуур татлаа гэхийн оронд-миний шилэн хүзүү дундуур татаад авлаа гэхийг уран зохиолд хүүрнэх хэлбэр гэж хэлдэг.
Миний номыг найруулаад засчихна, тэгэхлээр уншигчид үүнийг жинхэнэ зохиолч бичиж дээ гэж бодог. Ингэж засахгүй бол зарим номыг уншаад заримыг нь уншихаа больчихно. Хэрэв засаж найруулбал бүгдийг нь дараалан уншиж, хэн хэндээ гомдолгүй байна.
Миний номд хэдэн баатар гарна. Эд цөмөөрөө манай байшинд суудаг юм. Байшингийнхныгаа би андахгүй, би ухаан суусан цагаасаа хойш, аравтайгаасаа энд байгаа билээ. Одоо би арван зургаан настай.
Ганц Костягийнх л өөр гудамжинд байдаг. Костя бол боксчин чөргөр хар залуу билээ. Хашаа дотуур чемоданаа барьчихсан гарч явна гэхээс л цаашгүй, зэгсэн дүнсгэр амьтан. Тэр чемоданд нь боксын бээлий байдаг юм.
Веэн, Игорь хоёрыг гадаа байж байхад би Костятай анх танилцсан юм...
