Зохиолч: Илья Эренбург
Орчуулагч: Т. Жамбал
Ангилал: Түүх Оросын уран зохиол
Хэвлэлийн газар: Улсын хэвлэлийн газар
Дайн дэгдсэн өдрөөс эхлэн Люсиэн үхэхийг хүсэж үхлийг шамдуу, шаргуу хайж, пулемётын галыг ч сөрлөө, гранат атган танкны өөдөөс ч мөлхлөө, германы эргүүлийг барьж авах санаатай Бельгийн фермийн дээврийн хөндийд буудалцаан хийж ч үзлээ. Гэтэл үхэл түүнээс тойроод л байх шиг байлаа.
Тэр сонин уншдаггүй байсан бөгөөд улаан лооль боосон нэг сониныг дэлгэж харваас: «Бидэнд моторжиж механикжсан Жанна д’Арк тусална» гэж бичсэн байхыг хараад үг дуугүй шидэж орхисон юм. Эргэн тойронд нөхөд нь: «Урвалт гарчээ» хэмээн хашхиралдаж, зарим нь германчуудыг зарим нь англичуудыг, бас францын генералуудыг хараадаг байлаа...
