Зохиолч: Хатгин Ц. Дамдинсүрэн
Орчуулагч:
Ангилал: Түүх Хууль, эрх зүй Намтар, дурсамж улс төр ЦАГААН НОМ
Хэвлэлийн газар: Интерпресс
Манай нам төрийн удирдлага ард түмнээсээ тасраад ард түмний хяналтаас гарч урьдын хаад ноёдоос илүү эрхийг эдэлдэг боллоо. Ингээд ард түмнээс тасарсан тэр хүмүүс 1937-1938 оны үеэс хоёр их булай ажлыг хийжээ. Тэр нь юу гэвэл нэгд, Монголын бүх сэхээтнийг хүйс тэмтрэн хядсан. Хоёрт, Монголын өв уламжлалыг баллан сүйтгэсэн байна. Зөвлөлт улсын хууль завхруулагчид шударга хувьсгалчдыг хөнөөсөн бол манай хууль завхруулагчид шударга сайн хүмүүсийг хядаад зогсоогүй, Монголын ард түмний соёлын өв, ном судрыг шатааж, уран барилгыг эвдэж, хоёр давхар ялт хэргийг хийсэн юм. Хүн алах хядах явдал дөчөөд оны үес цөөрсөн боловч ном судар шатаах явдал улам гаарсан юм. 1940 хэдэн оны үед хувьсгалын эсэргүү ном хадгалсан хүнийг ална гэж хууль гаргаад хуучин ном бичгийг шатаах устгах ажилд ирмүүн орсон юм. Үүний ял бол Чойбалсан, Лувсаншарав, Цэдэнбал, Дамба, Сүрэнжав, Лхамсүрэн нарт бүгдэд нь оногдох ёстой...
