Зохиолч: Хатгин Ц. Дамдинсүрэн
Ангилал: Түүх Монголын уран зохиол Намтар, дурсамж
Хэвлэлийн газар: Интерпресс
Би 1932 оны намар Ленинградад сургуульд явах санаатай Улаан-Үдээс Улаанбаатарт буцаж ирсэн билээ. Гэвч тэр жилдээ сургуульд явж чадалгүй саатаж Шинжлэх ухааны хүрээлэнд монгол хэлний тайлбар толь хийх ажилд орж Нацагдоржийн хамт нэг жил ажилласан юм. Би уран зохиолчдын бүлгэмийн нарийн бичгийн даргаар ажиллаж байх үедээ Нацагдоржийн “Миний нутаг” гэдэг шүлгийг хэвлүүлэхийг оролдсон боловч бидэнд өөрийн сэтгүүл сонин байгаагүй учраас хэвлүүлж чадсангүй. Тэгэхлээр 1933 оны зун бүлгэмийн тэргүүлэгчид бид хэлэлцэж уг зохиолчдын бүлгэмийн бүх хөрөнгөний тэн хагас болох 500 төгрөгийн үнэ бодож авсан билээ. Энэ бол чухамдаа нөхөр Нацагдоржийн хэвлэгдээгүй зохиолд таван зуун төгрөгийн шагнал олгосон хэрэг юм. Ийм их мөнгөн шагналыг бидний зохиолчдын хэн нь ч авч үзээгүй байсан билээ. Үүнд: Д. Нацагдорж баярлаж зохиолчдын бүлгэмийн тэргүүлэгчдэд талархлын бичиг өгч байсан...
