Энэ жүжгийг баатарлаг туульсаас сэдэвлэн 1940—1942 онд бичжээ. Энэ жүжгийн зохиол октябрийн социалист их хувьсгалын 25 жилийн ойд зориулсан уран бүтээлийн 3 дугаар уралдаанд 3 дугаар байр эзэлсэн юм. Түүнийг Амгалан дахь Сүхбаатарын нэрэмжит үлгэр жишээ клубт анх тоглоод, гар бичмэлээр төв, орон нутгийн клубүүдэд тараажээ. Тэгээд 1947 онд «Сайн дурын уран сайханчдад тусламж» сэтгүүлд хэвлэгджээ.
