Зохиолч: Леонид Пантелеев
Орчуулагч: Ц. Шагдар
Ангилал: Хүүхдийн уран зохиол Оросын уран зохиол
Хэвлэлийн газар: УЛСЫН ХЭВЛЭЛ
Петка Валетэд ийм нэг учир тохиолджээ. Нэг өдөр Петка зээлийн газраар сэлүүцэн зүйл зүйлийн юм бодож, гуниглан гомдож явлаа.
Юм идэх сэн гэж санавч зүсэм колбас ч худалдаж авах мөнгө олох аргагүй. Гэтэл өлсөх нь аймшигтай.
Жингийн туухай хулгайлах гэж туршив. Гэвч хулгайлуулсангүй, харин туухайгаар нь Петкийн ар шил рүү дэлсээд авчээ. Петка цаашаа явлаа. Хувин хулгайлах гэв. Хувингийн хулгай баригдлаа. Хувингаа орхиод цаашаа явав.
Тэгтэл гэнэт нэг авгай харагдав. Бүдүүн гэгчийн авгай гудамжны буланд зогсож, сэвсгэр боорцог худалдаж байв. Жигнүүр доторх улбар шар пэндгэр боорцгоос нь уур савсаж байв.
Петка чичирсээр ойртож очлоо...
