Зохиолч: Ирма Хардер
Орчуулагч: Д. Гонгор
Ангилал: Германы уран зохиол
Хэвлэлийн газар: УЛСЫН ХЭВЛЭЛИЙН ХЭРЭГ ЭРХЛЭХ ХОРОО
Ирсэн тэр хүн ойртож:
— Сайн байна уу? Та тариачин Ингэ гэдэг мөн болов уу? гэх дууг урьд өмнө нь сонсоогүй боловч Ингэгийн сэтгэл ихэд хөдөлнө.
Энэ зүс үзээгүй хүн, миний нэрээр асуудгийн учир нь юу бил ээ? гэж бодоход амьсгалахад хүнд болж тэр хүний асуултад зөвхөн толгой дохиж хариулав.
— Тосгоны дарга намайг явууллаа!
Ингэ дотроо, яагаад энэ хүн дуугүй зогсоно вэ? Ямар нэгэн муу хэл надад хүргэх гэж ирээгүй байгаа даа гэж сэтгэл зовон өөдөөс нь ширтэнэ.
— Би ганц шөнө унтах байр эрж явна гэхэд Ингэ хувингийн сэнжийг базлан, харанхуйн дундах үл таних нүүрийг ширтэж нээрэн зөвхөн ганц шөнө хоноглох газар эрж ирсэн болов уу, арай Вальтерын минь найз, надад амьдын хэл хүргэж ирээгүй байгаа даа гэж бодогдоход хоолой нь зангирах шиг ажээ...
