Зохиолч: Рэй Брэдбери
Орчуулагч: Н. Цэвэгмид
Ангилал: Америк уран зохиол уран зөгнөл
Хэвлэлийн газар: БНМАУ-ын Ардын боловсролын яамны хэвлэл
— Аяллаас амьд буцаж ирнэ гэсэн баталгаа өгөх үү? гэхэд тэр албан хаагч:
— Бид үлэг гүрвэл өгнө гэхээс өөр юунд ч баталгаа өгөхгүй гээд эргэснээ, — Энэ бол ноён Тревис гэдэг хүн. Өнгөрсөн үед аялахад чинь таны газарчаар явна. Хаана, хэзээ буудахыг энэ хүн хэлж өгнө. Энэ хүний зөвшөөрөлгүй буудвал ирсэн хойноо дахин арван мянгаар торгуулахаас гадна засгийн газрын зүгээс сайнаа үзэхгүй шүү.
Уудам танхим мэт тэртээ захад мушгиралдсан, дүнгэнэх нь гайхмаар. Учир нь олдмооргүй нэг хачин юм, сүлжилдсэн төмөр утас ба бүрхүүлүүд, ягаан ба мөнгөлөг цэнхэр өнгө ээлжлүүлэн цацруулах хурц гэрэл байгааг Экельс олж харав. Дүнгэнэх дуу нь цаг өөрөө лут том гал дээр шатаж, он дарааллын бичгийн бүх он жил, бүх өдөр сар, ер нь бүх өдөр нэг дор овоологдон шатаж байна уу гэмээр ажээ...
