Зохиолч: Чингиз Айтматов
Орчуулагч: Харгана Г. Амар
Ангилал: Киргизийн уран зохиол
Хэвлэлийн газар: Улсын хэвлэлийн газар
Шөнө дүл болсон хэр нь Исабеков бодол болон суусаар байлаа. Эхлээд юу гэж бичдэг бил ээ? Ер нь энэ захиандаа юу бичих болж байна аа? Яасан хэцүү, яасан бүтэлгүй юм бэ? Бичих юм хуримталсаар хуримталсаар зөндөө болжээ. Тэр минь ийм хожуу үнэнээ хэлэхэд ойлгож авах бол уу?
Энэ хоёр олон жил хэрүүл маргаантай амьдарчээ. Гэтэл одоо болсон хойно, бие биеэ өчнөөн их гомдоож, үргэлжид шударга бус зэмлэж, өчнөөн олон удаа, хэрэлдэж өчнөөн эвлэрч, бүр сүүлдээ таарахаа байгаад салчихсан хойно тэр минь ухаан зарж, үгүй ер нь зүгээр л хүний ёсоор ойлгож намайг уучлах бол уу? Ханилан суусныхаа анхны жилүүдийнх шиг харгүй, цагаан цайлган болж чадах болов уу? Ингэж чадахгүй бол яана? Ойлгож авахгүй юм уу, дахиад л эмэгтэй хүний төрх намба зол хувьгүйн тухай урсгаж гарвал бүр балрах нь тэр. Тэгвэл яах вэ? гэх мэтчилэн бодно...
