Зохиолч: Векослав Калеб
Орчуулагч: Д. Гонгор
Ангилал: Гадаадын уран зохиол
Хэвлэлийн газар: Улсын хэвлэлийн газар
Тэгээд буланд байсан вааран доторх нарийхан таяг руу тонгойв.
Хадам эцэг нь Шинэ Зеландаас авчирч бэлэглэсэн бөднө шувууны толгойн дүрс бүхий зааны ясан бариултай модон таяг түүний харцыг өөрийн эрхгүй татав.
Алсад ягуухан хөвөх усан онгоцыг сонирхогчид урт туяхан хөлтэй ганган хүүхнүүдийг нүд хужирлан шохоорхогчид ийм таяг барьчхаад эргийн дагуу, зах зээлийн газраар хөлхөцгөөдөг билээ. Тэр бэлгийн үнэт зүйлийг хоёр хуруугаараа аажимхан өргөн авснаа нүдэндээ ойртуулан үзээд элдэв хангайн юм бодож сэтгэлээ үймүүлэхээс болгоомжлон буцаан тавив.
Өрөөндөө буцан ороод эрт урьдын явдлаа хайнгадуухан дурсав. Тэгээд цонх руу дөхөн очоод...
