Зохиолч: Ардын аман зохиол
Орчуулагч:
Ангилал: Монголын уран зохиол Аман зохиол Жүжиг, кино
Хэвлэлийн газар: ГЭГЭЭРЛИЙН ЯАМНЫ ХЭВЛЭЛ
ЖУЯАР:
Харсаар харсаар байтал хаалган дээр минь хүрээд ирлээ,
Ханцуйтай гараас чинь дэмжээд авъя даа хө
Харьсан гэр чинь мэнд болоод сайн уу даа
Хайртай Жуяарыгаа санаж бодоод ирэв үү дээ?
СУМЬЯА:
Хар саарал мориороо би чинь хө
Хазаараа таталгүй давхи давхисаар ирлээ дээ хө
Харьсан гэрийн минь мэнд сайныг асуувал хө
Хатан эжий минь харин дураар жаргаж сууна хө.
ЛАМЬЯА:
Хаалганы дотор тал дээр хар морь уяатай байна хө.
Хаанаас ирсэн гийчний унаа вэ хө?
Ханзан дээр сууж байгаа хар хүү чинь хө
Хаанаас ирсэн хэн хүний үр вэ хө?
