Зохиолч: Х. Х. Андерсен
Орчуулагч: Б. Ринчен
Ангилал: Хүүхдийн уран зохиол Гадаадын уран зохиол Үлгэр, домог
Хэвлэлийн газар: МОНГОЛЫН ЗОХИОЛЧДЫН ЭВЛЭЛ УЛСЫН ХЭВЛЭЛ
нэгэн хөгшин нугас түүнийг үзэхээр ирээд
— За юу болж байна гэхэд өндөг дарагч нугас
— Нэг өндөг их л удаж байна. Одоо хүртэл ан гав гарсангүй. Бусад дэгдээхийг үзэгтүн. Цөм эцгээ дуурайсан нь гайхалтай. Тэгтэл, тэр муу, одоо хүртэл намайг эргэж ирсэнгүй гэхэд хөгшин нугас
— Чи тэр хагардаггүй өндгийг надад үзүүл, тэр лав нэгэн зүйл тахианы өндөг байх аа. Би иймд нэгэн удаа мэхлэгдэн бачлагдаж их л зүдэрсэн билээ. Тэр тахианы зулзага уснаас айх тул усанд оруулах гэж хэчнээн ядсан билээ би. Өндөг чинь аль вэ, надад үзүүл. Ай, энэ өндөг лав миний хэлснээс гарахгүй. Үүнийг дараад яах вэ. Харин бусад хүүхдээ самрахыг сурга! гэсэнд өндөг дарагч нугас
— Би бас нэг баахан хэвтээд үзье. Өдий чинээ удаан хэвтсэнээс хойш, бас нэг хэсэг хэвтэхэд ядах юу байх вэ гэхэд хөгшин нугас
— За, тэгвэл өөрөө мэд гээд явав...
