Зохиолч: В. Воскобойников
Орчуулагч: Д. Гармаа Н. Даваацэрэн
Ангилал: Хүүхдийн уран зохиол Оросын уран зохиол
Хэвлэлийн газар: БНМАУ-ын Ардын боловсролын яамны хэвлэл
Би өнөөдөр тэмдэглэл хөтлөхөөр шийдэв. Ер нь ийм юм хийе гэж өнөөдөр ч бодсон юм биш, сар, магадгүй түүнээс ч түрүүнээс санасан хэрэг л дээ. Гэвч би өнөөдөр хорин мөнгө олсон юм. Тэр мөнгө нэг ч хүнгүй талбай дээр, миний хөл дор хэвтэж байлаа. Би бас хорин мөнгө энэ сард цуглуулсан байв.
Анхандаа, мөнгө олчхоод би мөхөөлдөс худалдаж авдаг юм уу гэж санав. Пааландчихсан юм шиг сайхан мөхөөлдөс шүү дээ. Гэвч би тэмдэглэлийн дэвтрийг тэр дороо санасан болохоор соёлын барааны дэлгүүр лүү явлаа. Дэлгүүрийн хажуухан талд яг миний дуртай мөхөөлдөс зарж байсан боловч би түүнийг харсан ч үгүй, шууд л мөнгө хураагч газар луу очлоо. Ер нь хүссэнээ шууд биелүүлдэг шийдэмгий байх сайхан шүү дээ.
Энэ дэвтрийг бүх л сар шохоорхон харсан юм. Юм бичихэд боломжийн торон шугамтай, улаан өнгийн хатуу хавтастай дэвтэр юм. Их сайхан дэвтэр. Би бас дөрвөн мөнгөөр цангисын хандтай ус уув. Тэгээд гэртээ ирмэгц л шууд тэмдэглэлээ эхэлж хавтас дээр нь...
