Зохиолчийн бичсэн олон тооны яруу найраг, үргэлжилсэн үгийн зохиол дотроос «Инээмтгий хүн» роман нь хамгийн сайтар боловсруулсан бүтээлийн нэг гэж зүй ёсоор тооцогддог. Романы үйл явдал XVII зуун, XVIII зууны заагийн Англитай холбогдоно. Баян тансгийн эсрэг үгээгүй хоосны дургүйцэл, тэгш бус байдлын гол тулгуур болсон хууль зүй, «үнэн мөний шүүхийн» эсрэг эсэргүүцэл, төр засгийг гартаа барьсан хүмүүсийн дур зоригийг долдгонон биелүүлээд, харц олны өмнө хаалттай байдаг «улсын хурал» гэгч нь цаанаа юу болохыг нүдэнд тустал гаргасны зэрэгцээ харц ардыг үгүй хийж болох боловч санаа сэтгэлээс бөхийлгөж чаддаггүйг харуулсанд энэ зохиолын гол утга агуулга оршиж байна.
