БАЗАРЫН ПҮРЭВБААТАР 1945 оны 08-р сарын 25-нд Улаанбаатар хотод төрсөн 1953-1963 онд Улаанбаатар хотын 1-р сургууль, 1963-1968 онд МУИС-ийн хэл бичгийн факультетын Франц хэлний ангийг төгссөн. Франц хэлний багш, орчуулагч мэргэжилтэй.
1969-1970 онд ЮНЕСКО-ийн хөтөлбөрөөр “Сорбоны” их сургуулийн Парис IX —д Франц хэл, багшийн мэргэжил дээшлүүлэх сургалтад хамрагдсан. Б. Пүрэвбаатар 1968-1973 онд МУИС-ийн гадаад хэлний тэнхимд багш. 1973- 1978 онд гадаадын жуулчдыг үйлчлэх газарт орчуулагч-референт, 1978-1989 онд улсын хэвлэлийн нэгдсэн редакцад редактор, 1990 оноос “Жуулчин” ХХК болон бусад жуулчны байгууллагад орчуулагч, хөтчөөр ажиллаж байна.
МАХН МҮЭ болон МЗЭ-ийн их хурлуудад “Пресс” групп болон хэлмэрч орчуулагчаар ажиллаж байв. 1964 онд оюутан байх үеэсээ эхлэн Гадаадын жуулчдыг үйлчлэх газарт хэлмэрчээр ажилласнаас хойш олон зуун жуулчин анчинд үйлчлэн түүх соёлын дурсгалт газруудтай танилцуулан. Монгол орноо сурталчлах ажилд хувь нэмрээ оруулсаар ирлээ.
Монгол улсын их дээд сургуулиар Франц хэлтэй мэргэжилтэн бэлтгэж ирсний 40 жилийн ойгоор 2003 онд “Алтан гадас” одонгоор шагнагдсан.
Монголын зохиолчдын эвлэлийн гишүүн.
