(Мопассаны өгүүлснээр)
«Салхин тэнгэрийг төрүүлэгч» нэрт хөлөг онгоцны усан цэрэг дөрвөн сар орчим газар дээр гишгээгүй тул, одоо эрэг дээр бууж ирэхдээ хот газрыг мартсан гаднын улс шиг, бие биеэ бараадан, хоёр хоёроороо нийлж, болгоомжилсон царайтай, хот руу орж ирүүт онгоцны буудлын ойрх гудамжийг үнэрлэн шиншиж, ийш тийш харан, нэг л юм эрж яваа юм шиг байцгаав. Эд, дөрвөн сар, эмэгтэй хүний бараа хараагүй тул, одоо тачаал нь биеийг зовоож хэцүүхэн байсан аж. Хамгийн түрүүнд нь шаламгай бөгөөд лут эр Селестин Дюкло гэгч явлаа.
