Бид гэрлэсэн чинь бүх хэрэг... үүсэв. Гэрлэчихээр чухам юу хэрэгтэй болдог билээ дээ? Хэрвээ гэрлэсний дараа яах хэрэгтэйг чи мэдэхгүй юм бол юунд гэрлэсэн юм бэ? Харин одоо би бүр сайн мэдэж байна! Хүн эхнэр авмагцаа юуны өмнө өвөл түлэх нүүрс түлээ бэлтгэх хэрэгтэй. Чухам хэрхэн яаж нүүрс олох вэ гэж би нөхөд найзуудаасаа асууж гарлаа.
— Ээ дээ олоход ч мөн бэрх дээ гэж тэд хэллээ.
— Яагаад тэр билээ? гэхэд минь
— Олдохгүй дээ, тэгээд л тэр! гэцгээв. Тэгэхэд нь би:
— Би нүүрс авах эрхтэй шүү дээ! Ээ тэнгэр минь өршөө! гэж дуу алдав. Хүн болгон л над «Чамд нүүрс олдохгүй» гэнэ.
