Зохиолч: ПАРИЗАТ
Орчуулагч: Далантай
Ангилал: Гадаадын уран зохиол
Хэвлэлийн газар: Улсын хэвлэлийн газар
Өнөөдөр хаврын нарлаг өдөр. Энэ өдрийн нар нэг л онцгой сайхан ээж байлаа. Гудамж талбай ч нэг л онцгой. Энэ нь юуны өмнө хэн нэгэн хүн миний сэтгэлийг анх удаа сэргээсэнтэй холбоотой биз ээ. Тэр жаал хүү миний харцнаас айж зугтсан нь үнэн боловч би түүнийг мартаж чадахгүй байна. Мөрөө шүргэсэн долгиолог үс, гялалзсан тас хар нүд, борхон царайд нь гэрэлтсэн инээмсэглэл. Энэ үеэс эхлэн миний амгалан байдал алдагдаж, бие тавгүй байх болов. Нэг хэвийн амьдралд дассан би идэр залуу насандаа ч ийм байдалд орж үзээгүй. Энэ бол нэг ёсны өвчин юм. Аливааг хайхрахаа больсон миний сэтгэл ийм болсныг өвчин гэхээс өөрөөр яаж нэрлэх вэ...
