Зохиолч: П. П. Бажов
Орчуулагч: У. Дамдинсүрэн
Ангилал: Оросын уран зохиол Үлгэр, домог
Хэвлэлийн газар: Улсын хэвлэлийн газар
Эрт урьд цагт болсон нэгэн явдлыг өгүүлье. Тэр үед манай орос хүн энэ нутагт сураггүй байжээ. Башкирчууд ч ойр хавь байсангүй. Мал адуулдаг тэд тэнүүн нуга тал газар нутаглах дуртай билээ. Нязь голын хөндийн ойт хээр, Ураимын хотгорт л тийм тэнүүн нутаг байхаас, манай энд юу байх вэ? Одоо л ой ашгүй шингэрч тэнгэр харагдах болжээ. Тэр үед унаагаар байтугай явган ч гарах аргагүй өтгөн ой байсан юм. Зөвхөн ан гөрөө хийдэг хүн л ойд явдаг байжээ.
Тэр үед Айлып гэдэг башкир гөрөөчин байжээ. Өөр тийм эрэмгий сайн анчин байсангүй. Баавгайг нэг сумаар харваж намнаад, хандгайг хоёр эврээс нь барьж мөрөн дээгүүрээ даллаж гуядаад алчихдаг хүн байсан ажээ. Чоно, бусад ан гөрөөсний хувьд ярих юмгүй билээ. Айлыпын нүдэнд өртсөн гөрөөс амьд гарч байсан удаагүй юм гэдэг.
Айлып нэг өдөр...
