Зохиолч: П. П. Бажов
Орчуулагч: У. Дамдинсүрэн
Ангилал: Оросын уран зохиол Намтар, дурсамж
Хэвлэлийн газар: Улсын хэвлэлийн газар
Чи надад өөр нэг хувилахуй ухааны учрыг тайлж өг... гэж хэлээд, — Каслины Злоказовынхны тухай дуулсан уу? гэж надаас асуулаа.
— Мэдэлгүй яах вэ. Архины мухлагийн эзэд, төрсөн ах дүү гурвыг хэлж байгаа биз дээ. Тэд чинь башкирчуудыг залилж байж газар нутгийг нь бараг зүгээр шахам авч, дарсны үйлдвэр байгуулсан юм. Черкаснулд хамгийн том завод нь бий. Воздвиженкад бас шилний үйлдвэртэй. Петр нь Арамилд цэмбэний фабриктай. Федор нь пивоны том заводтой шүү дээ.
— За, тэд чинь дээ! Федор нь эндхийн заводын эзэн шүү дээ. Английн гүн хэргэмтэй болсон. Генералаас дээгүүр том цол гэлцдэг юм. Яаж байж тийм цол хүрт ээ бол? Арай л пивоор аваагүй байх даа? Дарсны мухлагийн эзэн байснаа хүчил үйлдвэрлэж эхлээд төдхөн гүн хэргэмтэй болсон юм. Энэ л ёстой хувилахуй ухаан гэгч мөн дөө! Каслины дарсны пүүсийн эзнийг английн гүн хэргэмтэй болгож чаддаг митрат гэгч ямар хүчил байдаг юм бол оо? Үүний учрыг л олж үз дээ... гэж найз минь надаас гуйсан билээ...
