Зохиолч: Гүи Де Мопассан
Орчуулагч: Д. Лодойдамба
Ангилал: Францын уран зохиол
Хэвлэлийн газар: УЛСЫН ХЭВЛЭЛИЙН ХЭРЭГ ЭРХЛЭХ ХОРОО
Хөдөөгийн бэлэвсэн хатан авхай Лефевр бол хуниастай бүрх малгай өмсөж, тууз зангидсан нь нэг талаар хатан авгайн хагас дүртэй, нөгөө талаар тариачны хагас байдалтай явдаг хүүхнүүдийн нэг бөгөөд гаж буруу яриатай, хүмүүст сүр жавхлантай харагддаг, жижиг улаан гараа торгон бээлий дотор нуудаг шиг бурангуй шунахай зангаа наалинхай инээмсэглэлээр далдалж явдаг тийм хүмүүсийн нэг билээ.
Түүний зарц Роза гэгч жирийн шударга тариачин хүүхэн байв.
Тэр хоёр хүүхэн Нормандын Ко мужийн төвд замын хажуухны нэгэн ногоон хавтаст цонх бүхий жижигхэн байшинд суудаг юм.
Тэд байшингийнхаа өмнөх ногооны жижиг талбайд аар саар юм тарина.
Тэгсэн чинь нэгэн шөнө тэдний таван бөөрөнхий сонгиныг хулгай авчихжээ...
