Зохиолч: В. Хюго
Орчуулагч: Ш. Доржготов
Ангилал: Адал явдалт Францын уран зохиол
Хэвлэлийн газар: ГЭГЭЭРЛИЙН ЯАМНЫ ХЭВЛЭЛ УЛСЫН ХЭВЛЭЛИЙН ХЭРЭГ ЭРХЛЭХ ХОРОО
Би францад төрсөн боловч бүүр багадаа Сан-Домингод суудаг тариалангийн баян эзэн, өвөг ахындаа очсон бөгөөд тэдний охинтой гэрлэх ёстой байсан юм.
Өвөг ахын маань эдлэн Галифэ боомтын зэргэлдээ орших бөгөөд тариалангийн талбай нь Акюлийн хөндийн ихэнх хэсгийг эзэлдэг байлаа.
Байр байдлыг нь тодруулан тоочих явдал та нарт лав сонирхол багатай санагдах энэ өөдгүй газар нутаг бол миний бүх төрөл төрөгсдийн үгүйрэл хоосрол, үхэл зовлонгийн нэг гол шалтаг болсон юм.
Манай өвөг ахын тариалангийн асар уудам талбай дээр найман зуун негр хүн ажилладаг байлаа...
