Зохиолч: Гүи Де Мопассан
Орчуулагч: Д. Лодойдамба
Ангилал: Адал явдалт Францын уран зохиол
Хэвлэлийн газар: УЛСЫН ХЭВЛЭЛИЙН ХЭРЭГ ЭРХЛЭХ ХОРОО
Тийм ээ. Би гэрлэнэ. Бүр шийдчихсэн.
Харин тэгэхдээ миний үзэл маань ч, итгэл маань ч хувираагүй билээ. Хууль ёсоор хамтран сууна гэдэг бол тэнэг хэрэг гэж би үздэг. Арван эр хүний найм нь эхнэртээ хуурагдсан байдагт би итгэдэг юм. Тэгээд тэд маань нарт ертөнц дээр ганц байдаг зугаатай сайхан дурлал болох чөлөө дурлалаас зайлсхийж, насан турш өөрийгөө боолчлон тэнэг хэрэг үйлдэх, хүүхэн бүхэнд ямагт бидний дурыг хүргэж байдаг тогтворгүй хүслэнгийн жигүүдийг тойрох зэрэг хэрэг явдлын төлөө өчүүхэн ч цээрлэл эс үзнэ. Тиймгүй байдаг байлаа ч гэсэн би нэг хүүхэнд дурлаж чадахгүйгээ мэддэг. Яагаад гэвэл бусад бүх хүүхэнд үргэлж хэтэрхий дурлаад байх болно. Би эдгээр дур булаасан өөдгүй амьтдын сүргийг тэр аяар нь тэвэрч таалж байхын тул мянга мянган гар, мянга мянган хошуу, мянга мянган... зан төрхтэй болох сон гэж хүсдэг.
Гэлээ ч гэсэн би гэрлэнэ...
