Зохиолч: Б. Житков
Орчуулагч: Т. Ламжав Ю. Буянцог
Ангилал: Хүүхдийн уран зохиол Оросын уран зохиол Адал явдалт
Хэвлэлийн газар: БНМАУ-ын Ардын боловсролын яамны хэвлэл
— Завь хийхгүй бол зорчигчид үхнэ гэсэн хэрэг. Би энэ хариуцлагыг бурхны өмнө, шударга ёсны өмнө хүлээсэн юм. Хоёр зуун таван амь бид нарт итгэж байгаа. Бид бол дөчин найман хүн...
— Бид тэднийг хонь шиг төхөөрье. Танд тангараглая гэж сүх барьсан цэрэг хашхирав:
— Тэгж болохгүй! Хэн ч тэднийг хуруугаар ч гэсэн хөндөж үл болно. Тэгвэл би онгоц дэлбэлнэ шүү! гэж дарга шийдмэг хэлэв.
Хүмүүс шуугилдав.
— Намайг одоохон алцгаа! гэж дарга цээжээ урагш нь түрээд, та нарыг тавцан дээр гарцгаахад чинь онгоц дэлбэрээд агаарт хумхын тоос шиг дэгдэнэ. Одоо юм бүхэн бэлэн болоод байгаа. Ганцхан би л энэ бүхнийг хийж чадна. Хүүхэд эмэгтэй нийлсэн хоёр зуун хүнийг та нар алахыг хүсэж байгаа юм уу? Тэгвэл та нар бүгд хамт л үхэх болно. Нэг ч хүн амьд үлдэхгүй, би амлаж байна...
