Зохиолч: И. С. Тургенев
Орчуулагч: Ш. Очирбат
Ангилал: Оросын уран зохиол
Хэвлэлийн газар: Улсын хэвлэлийн газар
— Үүний өмнө, саяхаан, түшмэд хээл хахуул авч байна, манайд зам харилцаа, худалдаа, үнэн шударга шүүх... юу ч үгүй байна гэж бид ярьдаг байсан. Манай яр шархнуудын тухай чалчаад байхын ашиг байхгүй, хоосон яриа, олхиогүй юманд хүргэж байна гэдгийг бид хожим ойлгосон юм. Манай ухаантнууд, тэргүүний хүмүүс гэгдэгч илчлэгчид маань юунд ч хэрэггүй улс юм гэдгийг ойлголоо. Идэх талхны тухай асуудал тулгарч, балар сүсэг бишрэлд багалзуурдуулчхаад, зөвхөн ганц шулуун шударга хүнгүйгээс манай хувь нийлүүлсэн нийгэмлэгүүд баларч байна. Засгийн газраас олгох гэж оролдоод байгаа эрх чөлөө хүртэл бидэнд ашиг тус болно гэж үү ер, юу гэвэл манай тариачид архины мухлагт орж хөлчүүрэхийн тул өөрийгөө ч гэсэн дуртайяа талахаар байна. Тэгэхэд бид дэмий юм хийж, ямар нэг урлаг, аяндаа гарах уран бүтээл, парламентризм, өмгөөлөх газар, өөр юуны ч тухай юм бүү мэд цэцэрхэж байдаг...
