Зохиолч: Бомарше
Орчуулагч: Б. Ринчен
Ангилал: Жүжиг, кино Францын уран зохиол Шог хошин
Хэвлэлийн газар:
Бомаршегийн зохиолоос “Севил хотын үсчин буюу дэмий болгоомжлов” гэдэг дөрвөн бүлэг комеди хэмээх инээдэмт жүжиг, “Ухаан үгүй өдөр буюу Фигарогийн гэрлэсэн нь” таван бүлэг комеди, “Гэмт эх буюу шинэ Тартюф” гэдэг таван бүлэг сургалт драм гэдэг жүжиг гэдэг энэ гурван зохиол цөм Фигаро гэдэг нэгэн хүмүүний залуу, дунд, өтөлсөн насны явдлыг гаргасан гурван салаа бүхий нэгэн иж зохиол болой. Энэ гурван зохиол ихэд алдаршсан. Бараг дэлхий дахины улс бүхний хэлд орчуулагдсан билээ. Франц улсад анхан “Фигарогийн гэрлэсэн нь” гэгчийг Парис хотноо 1784 оны дөрөвдүгээр сарын 27-нд тайзан дээл талбихад хүмүүс ихэд сонирхоцгоож байсан учир тэр жүжгийг 68 үдэш гаргасан юм гэнэ билээ.
Бомаршегийн нэр алдрыг мандуулан гайхуулсан энэ гурван зохиолоос “Севилийн үсчин”, “Фигарогийн гэрлэсэн нь” гэдэг хоёр зүйл нь уншигч, үзэгч хүмүүнийг их л бахдуулжухуй.
Монгол хэлээр миний бие энэ алдарт бичгийн хүмүүний зохиолоос “Фигарогийн гэрлэсэн нь”, “Гэмт эх” гэдэг хоёр зохиолыг орчуулаад, алс хэтдээ бас “Севилийн үсчин”-ийг монгол болгох санаатай буй.
