Дундад эртний өрнө дахины уран зохиолд олонтоо дүрслэгдсэн ёс суртахууны хэм хэмжээг үл хайхрагч шалиг эр дон Жуаны дүрийн олон сонин хувилбарыг дэлхийн олон гарамгай зохиолчид бүтээсний дотор П. Меримегийн «Зуурдын тамын сүнс» туурьт (1834) гарч байгаа дон Жуаны өөр нэгэн хувилбар уншигчдын сонирхлыг зүй ёсоор татдаг юм. Дундад зууны үеийн Испанийн нийгмийн бузар бурангуй ёс дэглэмийг зохиолч үнэн зөв дүрслэн үзүүлсэнд зохиолын гол ач холбогдол оршиж байна.
