Зохиолч: Ардын аман зохиол
Орчуулагч: С. ЦЭРЭНБАЛТАВ С. Гантөмөр
Ангилал: Хүүхдийн уран зохиол Гадаадын уран зохиол Аман зохиол Үлгэр, домог
Хэвлэлийн газар:
Персийн нэгэн хотод Хасан гэдэг ядуу оёдолчин Аладдин гэдэг хүү, эхнэрийнхээ хамт амьдран суудаг байжээ. Аладдиныг арван нас хүрэхэд эцэг нь:
— Миний хүү бас аав шигээ сайн оёдолчин болог гээд оёдол, үйл заах болж гэнэ ээ.
Гэтэл Аладдин хүү юу ч сурахыг хүссэнгүй, аавыгаа мухлагаасаа гармагц л хүүхэдтэй тоглохоор гадагшаа гүйн гарч, өглөөнөөс аваад үдэш болтол хотоор дэмий л тэнэж бор шувуу хөөх юм уу, эсвэл айл хунарын цэцэрлэгийн хашааг даван ороод усан үзэм, тоор жимс хулгайлж амаараа гартал иддэг байв.
Иймд саях оёдолчин хүүгээ ятгаж, баалж янз янзаар үзсэн боловч энэ нь ямар ч тус болсонгүй тул Хасан ихэд харуусан гуниглах болж улмаар өвчлөн их удалгүй насан өөд болжээ. Эхнэр нь нөхрийнхөө үлдээсэн хамаг эд юмыг зарж, сүүлдээ утас ээрч түүнийгээ борлуулан хоёр биеэ тэжээх болжээ.
Ийнхүү хоног хугацаа өнгөрсөөр нэг мэдэхэд Аладдин арван таван нас хүрчээ. Нэгэн удаа...
