Зохиолч: Азиз Несин
Орчуулагч: Т. Содномдаржаа
Ангилал: Гадаадын уран зохиол Шог хошин
Хэвлэлийн газар: Тодорхойгүй
— За сонсож бай, хэрвээ чи бичгийн нь хэвээр юмыг таньж чадвал бас таван лир нэмнэ гэлээ.
— Эзэнтээн би энэ тухай юу ч бодохгүй байна. Би яаж чадах вэ? гэтэл
— Чадалгүй яах вэ!
Миний цалин далан таван лир боллоо. Гэвч ингэж цалин нэмэгдсэнээрээ би уншигчдын захидлын бичгийн хэвээр тэдний араншныг таах ёстой байлаа. Долоо хоногийн турш манай сонины нэгдүгээр нүүрт: «Манай сонин уншигчдад ашигтай байхыг хүсэж, хэдийгээр ихээхэн гарз хохиролтой ч гэсэн бичгийн нь хэвээр хүний араншныг тааж мэдэх томоохон мэргэжилтэн доктор гер фон Рудер Шмидт хэмээгчийг германаас урьж ирүүлсэн билээ. Хэрвээ хүндэт уншигчид та нөхөд хүсвэл манай сонины газар гараараа бичсэн нэг ч гэсэн мөр ирүүлбэл доктор гер фон Рудер Шмидт тэр бичгийн эзний араншны тухай манай сонинд нийтлэх болно гэсэн зарлал гарлаа.
Бичгийн нь хэвээр араншныг нь таах дэлхийн нэрт эрдэмтэн гер фон Рудер Шмидт хэн болохыг та нар лав таагаа байх аа.
