Хашаанаас тарианы газар луу харсан эрт цагийн чулуун арслантай бат бэх цагаан чулуун хаалганы дэргэд хоёр бүсгүй зогсож байв. Эгчмэд нь цайвар царайтай, гоолиг биетэй, тун царайлаг бүсгүй байв.
Бөөгнөрсөн хүрэн хар үстэй, жимбийсэн уруултай тэр бүсгүй тоомсоргүй маягтай намайг арайхан харав. Нөгөө нь насаар бүр бага арван долоо, наймаас хэтрээгүй болов уу гэмээр, бас л гоолиг биетэй, цайвар царайтай, том нүдтэй охин намайг дэргэдүүрээ өнгөрөхөд ихэд гайхсан байдалтай хараад англиар нэг юм хэлснээ зовох шиг боллоо. Тэр хоёр хөөрхөн охиныг би хэдий нь үзсэн юм шиг санагдлаа. Тэгээд гэртээ харихдаа нэг л сайхан зүүд зүүдэлсэн юм шиг байв...
