Зохиолч: М. Е. Салтыков-Щедрин
Орчуулагч: Ш. Гаадамба
Ангилал: Үлгэр, домог Оросын уран зохиол
Хэвлэлийн газар:
Нэгэн сууринд баян Иван, ядуу Иван гэдэг хоёр хөрш байжээ. Баяныг нь Семеничийн Иван ноён гэж өргөмжилдөг, харин ядууг нь зүгээр л Иван гэх буюу заримдаа Ивашка гэж өхөөрдөнө. Хоёул сайн улс. Ялангуяа баян нь онцгой сайн хүн ажээ. Энэ бүх талаараа буян үйлдэгч хүн байлаа. Үнэтэй цэнтэйг эс бүтээвч баялгийг хуваарилах талаараа их л сайхан санаа санадаг хүн байжээ. — Энэ миний хандив гэнэ. Нөгөө мань үнэтэй цайтайг бүтээхгүй, бас тэгээд базаахгүй юм бодно. Энэ бол гахайн явдал, харин би ч бас гайгүй» гэнэ. Гэтэл ядуу Иван нь баялгийг хуваах талаар огт боддоггүй (бодох ч завгүй) байсан боловч үүний оронд үнэтэй цайтайг бүтээнэ. Тэгээд бас: — Энэ миний хандив гэнэ.
