Зохиолч: ПОЛЬ ДЕ КРАЙФ
Орчуулагч: Ш. Гаадамба Д. Дандий
Ангилал: Түүх Эрүүл мэнд, анагаах ухаан Намтар, дурсамж Байгалийн шинжлэл Америк уран зохиол
Хэвлэлийн газар:
Пастерын хүрээлэн дэх Мечниковын лаборатори ердийн лабораторитой огтхон ч төсөөгүй. Энэ нь юуны түрүүнд хөдөөгийн яармагийн гавшгай үсрээч нараар дүүрч, хөгжөөн шуугианаар бялхсан гурван ташингат циркийн үзвэрийн байр шиг юм байжээ. Энд нянгийн ангуучлалын үйл хэрэгт суралцахаар Европ нутгийн өнцөг булан бүрээс хүрэлцэн ирсэн залуу докторууд байнга бужигнаж байдгийг төдийлөн гайхах хэрэггүй зүйл билээ. Тэдний залуу тархи их эрэлч бөгөөд итгүүлэн нойрсуулагчийнхаа уураг тархитай хэм ижилхэн лугшиж, тэдний хуруу нь Мечниковын толгойноос галын наадам шиг тасралтгүй цацран гарах бодол санаагаар тэжээгдсэн олон арван мянган туршлагыг яаравчлан үйлдэнэ...
