Поль Генри де Крюи
(1890-1971)
Америкийн микробиологич, зохиолч, шинжлэх ухаан - уран сайхны утга зохиолын үүсгэгч нарын нэг.
Дэлгэрэнгүйг Wiki-гээс
Поль де Крайф буюу Де Крюи бол (1890— 1971) АНУ-ын Мичиган муж улсын Зеленд төрж, Мичиганы их сургуулийн анагаах ухааны ангийг 1914 онд дүүргэж Нью-Йорк хотноо Рокфеллерын хүрээлэнд нян судлагч-эрдэмтнээр ажиллаж эрдэм шинжилгээ, уран бүтээлийнхээ замыг нээсэн хүн юм. Тус хүрээлэнд ажиллаж байхдаа нянгийн хувьсах чанарын талаар сонирхолтой ажил хэвлүүлснээс гадна эрдэмтдийн ажлын тухай «Манай орны анагаах ухааны зүтгэлтэн» гэдэг найрууллын ном бичжээ. 1922 оноос капиталист нийгэмд зовлон эдэлж явдаг сэхээтний нэгэн адил гашуун зовлон амсаж арга буюу эрдэм шинжилгээнийхээ ажлыг бүрмөсөн орхиж, уран зохиолын ажлаа улам эрчимжүүлснээр бичил амь судлалын түүх, энэхүү ухаанд гавьяа байгуулж шинэ нээлт хийгчдийн амьдрал, бүтээлийг нарийвчлан нягтлан судалсны дүнд «Нянгийн ангуучин» гэдэг алдарт номоо туурвисан нь Америкийн эрдэм шинжилгээ уран сайхны утга зохиолын тулганы чулууг тавилцсан том бүтээл болсон гэж үздэг байна.
Ер нь Поль де Крайф уран бүтээлийнхээ эхэн үед хүн төрөлхтний дайсан болсон өвчин үүсгэгчдийг нээгчид, эм нээгчдийн хөдөлмөрийг харуулсан «Өлсгөлөнтэй тэмцэгчид» (1928 он), «Үхэлтэй тэмцэгчид» (1932 он), «Амьдралын төлөөх тэмцэл» (1938), «Ухаангүй байдалтай тэмцэх нь» (1957 он), «Тэдэнд амьдрал хэрэггүй гэж үү?» (1936 он) зэрэг уран сайхан эрдэм шннжилгээний нийтлэг олон сайхан ном туурвисан юм.
Эх сурвалж : ПОЛЬ ДЕ КРАЙФ "НЯНГИЙН АНГУУЧИН” (1976, Улаанбаатар) номоос
