Зохиолч: В. Инжинаш
Орчуулагч: Ц. Хасбаатар Ц. Сүхбаатар
Ангилал: Монголын уран зохиол Түүх
Хэвлэлийн газар: МОНГОЛЫН ЗОХИОЛЧДЫН ЭВЛЭЛ
Арван есдүгээр зууны Монголын бичгийн их хүн Ванчинбалын Инжинашийн “Их юань улсын мандсан төрийн Хөх судар” гурамсан романыг хураангуйлан «Хөх судрын үлгэр» хэмээх номыг Өвөр Монголын ардын хэвлэлийн хорооны хүүхэд багачуудын унших бичгийн найруулах тасгаас Б. Хянган хялбаршуулан найруулснаар хэвлэн гаргажээ. Тэрхүү хураангуй эхийг манай орчуулагч, сэтгүүлч Ц. Сүхбаатар, эрдэмтэн Ц. Хасбаатар нар Монгол бичгээс кирилл үсэгт буулган уг эхтэй нь тулгаж ариутган шүүснийг манай сэтгүүл эл дугаартаа нийтэллээ.
Манай орны бүх шатны сургуулиудад Монголын уран зохиолын хичээлийг заахдаа В. Инжаннашийн уран бүтээлээс товч оруулдаг боловч оюутан сурагчид Монгол бичиг мэддэггүйн гайгаар “Хөх судар” зэрэг эх зохиолыг нь унших байтугай барааг нь төдий л харалгүй өдгөөг хүрсэн нь харамсалтай.
Учир иймээс хот хөдөөгийн сургуулийн уран зохиолын багш, оюутан сурагчид, уншигч олон түмэн “Хөх судрыг” шинэ үсгээр хэвлэн гаргах хүсэлтээ удаа дараа гаргасаар ирсэн боловч биелэхгүй удтал чилээснийг тайлах боломж ийнхүү бий болж романы хураангуйг толилуулж байна. Энэ санаачилга манай сэтгүүлийг захиалан уншигч та бүхний санаанд ч нэгэн адил нийцнэ гэдэгт бат итгэж байна.
“Монгол роман” сэтгүүлийн зөвлөл
