Зохиолч: ПОЛЬ ДЕ КРАЙФ
Орчуулагч: Ш. Гаадамба Д. Дандий
Ангилал: Түүх Эрүүл мэнд, анагаах ухаан Намтар, дурсамж Байгалийн шинжлэл Америк уран зохиол
Хэвлэлийн газар: Улсын хэвлэлийн газар
Одоо цагт халуун хумхаа өвчин хүн төрөлхтөнд төдий л аюултай биш болсныг өгүүлбэл 1899 оны дундуур хоорондоо өрсөлдөгч онцын том биш, нянгийн хоёр ангуучин шумуул (чухамдаа түүний тодорхой төрөл зүйл) халуун хумхаа өвчнийг дэлгэрүүлэгч нуудгай гэмт хэрэгтэн мөн гэж баталсан явдал болно.
Эл асуудлыг хоёр хүн шийджээ. Тэдний нэг болох Рональд Росс бол Энэтхэг дэх эмнэлгийн албаны юугаараа ч гойд ялгарах юмгүй жирийн нэг офицер хүн билээ. Нөгөө Баттиста Грасси нь бол Итали улсын нэлээд нэр гарсан амьтан судлалч бөгөөд чийгийн хорхой, цагаан шоргоолж, эмгэн хумсны мэргэжилтэн хүн байв. Энэ хоёр хүний хэн нь эл салбарт илүү их юм хийснийг хэлэхүйеэ бэрх. Учир нь гэвэл Росс нь Грасси үгүйгээр энэ зорилтоо тийм ч амархан шийдэж хүч хүрэхгүй байсан нь магад болбол хэрэв Росс шинжлэл судлалаараа чиглүүлэн хөтөлбөрлөсөн үзэл бодлыг гаргаж өгөөгүй болбол Грасси нь мөн он удтал шал дэмий юмаар хөөцөлдөх нь эргэлзээгүй байжээ...
