Зохиолч: Н. В. Гоголь
Орчуулагч: Д. Гомбожав
Ангилал: Үлгэр, домог Оросын уран зохиол Адал явдалт
Хэвлэлийн газар: ГЭГЭЭРЛИЙН ЯАМНЫ ХЭВЛЭЛ
— Өвгөн аавын тухай дахин яриасай гэж та нар хүсэж байна уу? Яах вэ дээ, зугаатай юм ярьж хөгжөөхөөс юунд буцах билээ? Аяа хуучин цаг, хуучин цаг. Энэ хорвоод эрт урьд цагт аль дивангарын тэртээ болсныг сонсоход зүрх хэчнээн хөөрч хэчнээн баяр баясал төрөхийг хэлэх юун! За тэгээд эцэг өвгөд, элэнц хуланц маань оролцон яригдвал элэнц хуланцынхаа санаанд шингэх буюу уул над төрөхгүй үнэн номыг дагаж түмэн зовлонт Варвард бишрэхгүй бол ашиг нь юу билээ. Манай эмс хүүхнүүд л дайралдах бүрдээ «За Фома Григорьевич авгай хуучин цагийн хасгийн сониныг яриач» гэнэ. Тра та та та гээд бүжиглэж гарна. Хууч хөөрөхөд ч харамсах зүйлгүй боловч орондоо ороод яадгийг нь үз л дээ. Хэн нь ч ялгаагүй халуун томуу туссан мэт хөнжилдөө чичирч үстэй дээлдээ ч толгойгоо шургуулахад баярлахаар болдог шүү дээ. Сүрэл хөдөлсөн ч, өөрөө хөлөөрөө шилээгүүрээ ёворсон ч, бурхан минь цочиж ухаан алдана. Маргааш нь зүв зүгээр, аймшигтай үлгэр сонсохын өвчин болно. Юу ярья даа? Санаанд юм орж ирэхгүй байх чинь... За тийм, би та нарт талийгаач өвгөн эцэг шулмуудтай хэрхэн хөзөрдөж байсныг өгүүлье...
