Зохиолч: П. П. Бажов
Орчуулагч: У. Дамдинсүрэн
Ангилал: Үлгэр, домог Оросын уран зохиол
Хэвлэлийн газар: Улсын хэвлэлийн газар
Тэр жил эзэн яг намрын шавар шавхайны үеэр ирж, урьдын адил завод уурхайгаар ч орсонгүй, захирагчийнд буужээ. Ирэнгүүтээ конторынхныг бүгдийг хар лам нарын хамт дуудуулжээ. Орой болтол албаны хүмүүстэй байсаар маргааш нь Хойд заводоор дайраад тэр өдрөө хот руу явжээ. Ид намрын шавар шавхайтай цагаар ирэх нэг яаралтай хэрэг гарч дээ. Бие хамгаалагч нар нь ч их нэмэгдсэн байна. «Юу бол оо юм бол? Мэдэх юм сан» гэсэн яриа ажилчдын дунд тархжээ.
Одоо цагт бол унаатай, явган ч хамаагүй Сысерть орж мэдээд ирнэ. Хамжлагат ёсны үед ямар байв? Явах шалтаг олох хэрэгтэй, бас ч тэр бүр явуулахгүй. Бүх хүн тоотой, дэглэм хатуу тул оргоод явах ч аргагүй. Гэсэн ч яваад ирье гэсэн нэг залуу гарчээ.
— Би бямба гарагийн орой ажил тарахаар л Сысерть рүү гүйчихье. Ням гарагийн орой эргээд ирнэ. Тэнд миний таних хүн бий. Юу болсныг дор нь мэдээд ирнэ гэж тэр хүү хэлжээ.
Тэр хүү яваад эргэж ирсэнгүй...
