Зохиолч: П. П. Бажов
Орчуулагч: У. Дамдинсүрэн
Ангилал: Үлгэр, домог Оросын уран зохиол
Хэвлэлийн газар: Улсын хэвлэлийн газар
— Өвгөн ах та шударга ажил хийж явжээ. Хүнд хэрэгтэй юм их нээсэн байна гэж явуулын хүн магтаад, — Сум харваж байгаагийн учир юу вэ? гэж асуужээ:
Кондрат үүнийгээ ч нуулгүй хэлжээ. Явуулын хүн нүдээ онийлгон чагнаж суугаад:
— Хамаг учир нь үүнд байна. Чиний суманд бүргэдийн өд л дутаад байна гэж хэлжээ.
Кондрат энэ үгийг сонсоод бүр уур нь хүрчээ. Бүхий л амьдралаа дэлгэж ярихад, бүргэдийн өд дутаад байна! гэж тэр хүний хэлэхэд гомдмоор байжээ.
— Манай энэ нутагт бүргэд шувуу байдаггүй гэж би чамд хэллээ шүү. Өдийг нь яаж олох вэ! Дүлий юм уу чи чинь! гэж Кондрат ууртаа хашхирчээ...
